ҚР Денсаулық сақтау министрлігінің Медициналық және фармацевтикалық бақылау комитеті дәрілік заттарды міндетті таңбалауды және қадағалауды енгізу бойынша реттеушілік әсерді талдаудың қоғамдық тыңдауын өткізді.
Комитет төрағасы Бауыржан Байсеркин атап өткендей, дәрілердің әрбір қаптамасына цифрлық код беру елдегі дәрілік заттардың көлеңкелі айналымын азайтуға, халық үшін сапалы және қауіпсіз препараттардың қолжетімділігін арттыруға бағытталған.
Қазақстанда 31 шілдеде аяқталған дәрілік заттарды таңбалау мен қадағалауды енгізу жөніндегі пилоттық жобаға фармацевтика саласының 23 қатысушысы, оның ішінде өндірушілер, дистрибьюторлар, медициналық және дәріхана ұйымдары қатысты. Препараттардың 18 сауда атауы Data Matrix кодымен таңбаланған және өндірушіден немесе импорттаушыдан сатуға дейін қадағаланудың барлық жолынан өткен, оның ішінде Трастузумаб, Кетотифен, Наталья, Эфиренз және басқалары.
«Пилоттық жоба кезінде дәрі-дәрмектерді таңбалаудың барлық негізгі бизнес-процестері зерттелді. Жобаның барлық қатысушылары таңбалау жүйесінде, сондай-ақ тауарлардың Ұлттық каталогында тіркелді, жобаның тетіктері мен функционалы бойынша оқытудан өтті. Бизнестің ұсыныстары негізінде жобада дәрі - дәрмектерді таңбалау процестерін жетілдіру бойынша шешімдер қабылданды", - деді тыңдау барысында Комитет төрағасының орынбасары Сәуле Ержанова.
Оның айтуынша, республиканың фармацевтика саласының негізгі проблемалық мәселелері дәрілердің заңсыз айналымы, олардың бөлшек саудада бақылаудың болмауы, әсіресе бюджет қаражаты есебінен сатып алынатын дәрілердің қозғалысына мониторинг жүргізу болып табылады. Цифрлық таңбалау тиімді шешім болуы мүмкін.
Жобаны елімізде бірнеше кезеңмен жүзеге асыру жоспарлануда: 2022 жылдың шілдесінен 2023 жылдың шілдесіне дейін.
Талқылауға қатысушылар өз кезегінде дәрілерді цифрлық таңбалау жобасы бойынша өз ұсыныстарын айтты. Кәсіпкерлер жүйесін таңбалау жүйесімен интеграциялау, мемлекеттік қолдау шаралары мәселелері егжей-тегжейлі қаралды.
Реттеуші әсерді талдау нәтижелерін талқылау барысында сарапшылар барлық ұсыныстар мен ескертулерді ескерді.
Бұдан басқа, фармацевтикалық бизнес-қоғамдастық өкілдерінің бірнеше ұсыныстары болды, мысалы, дәрілік заттар айналымына қатысушыларға өз дәрілерінің жүріп-тұруын нақты уақыт режимінде қадағалау бойынша тегін қол жеткізуді ұсыну, сондай-ақ міндетті таңбалау енгізілгеннен кейін, қажет болған жағдайда уәкілетті органның шешімі бойынша алқалы шешім қабылдау арқылы не заңда көзделген кез келген өзге тетік бойынша және т. б. таңбаланбаған дәрілік препараттарды әкелу мүмкіндігін қарау ұсынылды.
Талқылау соңында комитет басшылығы қатысқандарға белсенділіктері үшін алғысын білдіріп, барлық айтылған ұсыныстар мен ескертулерді назарға алды.
