%201.png)
Бүгінгі күні елде айналымда 255 миллион таңбаланған дәрі-дәрмек қаптамасы бар, оның ішінде 151 миллионы – импорттық препараттар. Шетелдік компаниялардың қазақстандық жүйеге қалай бейімделгені туралы баяндаймыз.
Әрбір өндіруші, отандық немесе шетелдік болуына қарамастан, дәрі қаптамасына таңбалау кодын алдын ала енгізеді. ҚР заңнамасы таңбалауға қатысатын резидент емес компанияларға Қазақстанға келмей-ақ өз елінде ЖСН алу мүмкіндігін қарастырады. Сонымен қатар компания басшысының сенімхаты негізінде БСН рәсімдеу мүмкіндігі де бар.
ЖСН негізінде шетелдік өндірушіге ЭЦҚ беріледі. Дәрілік заттарды таңбалау жобасының жетекшісі Анар Қарибаеваның айтуынша, бұл шетелдік компанияларға Бірыңғай таңбалау және қадағалау операторының ақпараттық жүйесінде отандық өндірушілермен тең дәрежеде жұмыс істеуге мүмкіндік береді.
Естеріңізге сала кетейік, дәрілік заттарды міндетті таңбалау Қазақстан Республикасында 2024 жылғы 1 шілдеден бастап қолданысқа енгізілді. Бұл шара нарықтың ашықтығын арттыруға, жалған дәрілермен күресуге және азаматтардың денсаулығын қорғауға бағытталған.
