2024 жылдың 2 мамыр күні Алматы қаласында Бірыңғай операторы дәріхана өкілдері, дәрілік заттарды импорттаушылар мен дистрибьюторларына арналған семинар-кеңес өткізді. Естеріңізге сала кетейік, 2024 жылдың 1 шілдесінен бастап Қазақстанда барлық дәрілік заттар міндетті түрде таңбалануға жатады.
Семинарда Тауарларды таңбалау және қадағалау жөніндегі Бірыңғай оператор қатысушыларды есеп жүйесінде тіркелуді, жеке кабинеттің функционалдығын, қабылдау-тапсыру актісін қабылдау, сәйкессіздік туралы хабарлама жасау, бақылау-касса машинасын пайдалана отырып, тауарларды айналымнан басқа себептермен тауарларды айналымға қайта енгізу және тауарды айналымнан алып тастау, қайтарып алу арқылы таңбаланған дәрілік заттармен жұмыс істеу процестерімен таныстырды.
Сонымен қатар өнімді таңбалау және қадағалау жүйесінде есептік жазбасы жоқ қатысушылар үшін NS Pharm мобильді қосымшасында жұмыс көрсетілді. Оған қоса, дәріхана өкілдеріне ерікті медициналық сақтандыру шарты бойынша таңбаланған дәрілік заттарды беру кезінде қалай жұмыс істеу керектігі түсіндірілді.
Бұл ретте дәрілік заттарды дистрибьюторлар мен импорттаушыларға таңбаланған дәрілік заттармен жұмыс істеу қағидалары түсіндірілді.
Кездесу нәтижесінде қатысушыларға телеграм-каналға, барлық қажетті ақпаратты қамтитын таңбалау веб-сайтына сілтемелер, сондай-ақ, таңбаланған дәрілік заттармен жұмысты көрсететін бейнероликтер ұсынылды.
Еске салайық, сәуір айында Астана, Алматы, Қарағанды қалаларында және Алматы облысының Қонаев қаласында дәрілік заттарды таңбалау мен қадағалауды енгізуге дайындық бойынша жұмыс кеңестері өткен болатын.
