ҚР Cауда және интеграция министрлігі аяқ киім саласының қатысушыларын 2021 жылғы 1 қарашадан бастап Қазақстанда аяқ киім өндірушілер мен импорттаушылар тауарды Data Matrix цифрлық кодымен таңбалауы тиіс екендігі туралы хабардар етеді.
Мұндай шешім нарықтағы контрафактілік деңгейін ескере отырып қабылданды. Ресми деректер бойынша аяқ киімнің көлеңкелі нарығы жалпы көлемнің 48,5% - ын құрайды. Аяқ киімнің сандық таңбалануы нарықты "ағартуға" және оны контрафактіден тазартуға ықпал етеді.
Сонымен қатар, аталған шара қоғамдық бақылауды күшейтуге мүмкіндік береді. Naqty Onim мобильді қосымшасының көмегімен тұтынушылар таңбаланған тауардың түпнұсқалығын тексере алады.
Қазіргі уақытта аяқ киім өндірушілер мен импорттаушылар таңбалау жүйесіндегі тауарлардың Ұлттық каталогында өз тауарларына карточкаларды толтыруда markirovka.kz. бүгінгі таңда жүйеде ҚР-да аяқ киім импорттаушылардың жартысынан астамы тіркелген, 40 мыңнан астам аяқ киім тауарларының карточкасы жасалған.
Таңбаланбаған аяқ киімнің қалдықтарын сатуға 2022 жылғы 1 сәуірге дейін рұқсат етіледі, одан кейін таңбаланбаған аяқ киім өнімдерін сатуға тыйым салынады. 2022 жылғы 1 қарашаға дейін сандық коды жоқ сатылмаған аяқ киім тауарлары аяқ киім тауарларының қалдықтары ретінде таңбалануы тиіс.
Сондай-ақ, ҚР Үкіметінің Қаулысымен аяқ киімнің бір жұбына арналған таңбалау коды құнының шекті мөлшері 2,68 теңге мөлшерінде қосымша құн салығынсыз белгіленгенін хабарлаймыз.
Қазақстандық аяқ киім өндірушілер тауарларды сатуға шығарғанға дейін өндірісте, импорттаушылар - үшінші елдердің аумағында (шетелде өндіру және қоймалар) немесе ҚР кеден қоймаларында кедендік рәсімдер аяқталғанға дейін таңбалауы тиіс.
Тауарларды цифрлық таңбалау бойынша кеңес беру үшін Қазақстанда тәулік бойы жұмыс істейтін "Қауырт желі" 8 800 080 65 65.
