Зергерлер лигасы заңды тұлғалар мен жеке кәсіпкерлер қауымдастығының президенті Қайсар Жұмағалиевтің айтуынша, Қазақстандағы зергерлік бұйымдардың көлеңкелі нарығы 99 пайызға жетеді. Қазақстан зергерлері лигасының мәліметінше, елімізде контрафактілік цехтар жұмыс істеуде, онда арнайы жабдықтардың көмегімен тауар Түркия, Италия немесе Ресейде жасалынғанын мәлімдейтін жалған штамптар бар. Адал кәсіпорындар көлеңкелі нарықпен бәсекеге түсе алмай, өндірісті тоқтатуға мәжбүр.
2024 жылдың 1 шілдесіен бастап Қазақстан Республикасына әкелінетін немесе Қазақстан Республикасының аумағында өндірілген бағалы металдар мен асыл тастардан жасалған зергерлік бұйымдарды бөлшек және көтерме саудаға өткізу кезінде таңбаланған өнімді айналымнан міндетті түрде алып тастай отырып, міндетті таңбалау қажет.
Тауарларды цифрлық таңбалау және қадағалау жүйесінің негізгі мақсаты Қазақстандағы тауар айналымын ашық ету екенін естеріңізге саламыз.
«Зергерлік бұйымдар нарығы контрабанда мен контрафактілік тауарларға толы кезде цифрлық таңбалау бизнесіміздегі ашықтық пен әділдікті қамтамасыз етудің маңызды құралына айналады. Цифрлық таңбалау тауардың бүкіл жеткізу тізбегі бойынша өнімнің қадағалануын жақсартып қана қоймай, тұтынушыларға олар сатып алатын өнімдердің түпнұсқалығына сенімділік береді, сонымен қатар тұтынушылардың алаяқтығына жол бермеу арқылы біздің саланың тұрақтылығын қамтамасыз етуге ықпал етеді. Бұл тұтастай алғанда біздің салаға тұтынушылардың сенімін арттыруға көмектеседі. Мемлекетпен бірлескен күш-жігердің арқасында ғана біз нарықтың тазалығы мен ашықтығын қамтамасыз ете аламыз, бизнесті дамытуға және тұтынушылар сеніміне қолайлы жағдай жасай аламыз. Бұл жауапкершілікті, тіпті жосықсыз кәсіпкерлерге қатысты қылмыстық жауапкершілікті бір мезгілде күшейткенде ғана мүмкін. Бұл екі шарт тұтынушыларды алдаудан сақтайды», - дейді Қазақстан зергерлер лигасының төрағасы Қайсар Жұмағалиев.
Индустрия және құрылыс министрлігі өкілдерінің айтуынша, бүгінде таңбаланбаған зергерлік бұйымдардың қалдықтарын сатуға рұқсат етілген және оларды сатуға әзірге айыппұл салынбаған. Дегенмен сауда және интеграция министрлігінің техникалық реттеу және метрология комитеті Әкімшілік құқық бұзушылық туралы кодекске өзгерістер енгізуді жоспарлап отырғанын естеріңізге сала кетейік. Түзетулер шағын, орта және ірі бизнеске қатысты болады.
Осы жылы Тауарларды таңбалау және қадағалау жөніндегі бірыңғай оператордың өкілдері Астана, Алматы және Шымкент қалаларында зергерлік бұйымдарды таңбалау бойынша оқыту семинарларын өткізеді. Семинарлар кестесін тауарларды таңбалаудың https://markirovka.ismet.kz ресми сайтында көруге болады.
Еске салайық, Қазақстанда міндетті цифрлық таңбалау және қадағалау үш өнім тобына қолданылады: 2020 жылдан бастап темекі өнімдеріне, 2021 жылдың қарашасынан аяқ киім өнімдеріне және 2022 жылдың қарашасынан бастап 90 дәрілік затқа, ал 2024 жылдың 1 шілдесінен бастап дәрілік заттардың 100% қолданылады.
Цифрлық таңбалау жүйесі және тауарларды қадағалау туралы толық ақпарат алу үшін 8 800 080 6565 телефоны бойынша тәулік бойы жұмыс істейтін байланыс орталығы жұмыс істейді.
