Цифрлық таңбалау бойынша пилоттық жоба қолданыста. ҚР-да тауарларды таңбалау мен қадағалаудың бірыңғай операторы Data Matrix кодымен сүт өнімдерін айналымнан шығару процесін апробациядан өткізді. Осылайша, таңбалау жүйесінде өндірушіден соңғы тұтынушыға дейін таңбаланған өнімнің барлық жолы байқалады.
Мәселен, бұрын пилоттық жобаның қатысушысы «Adal сүт» зауытында стикеттеу тәсілімен сүт өнімдері таңбаланды. Ол үшін таңбалау жүйесінде Data Matrix кодтарына тапсырыс берілді. Генерациядан кейін кодтар принтер арқылы басып шығарылып, содан кейін автоматты жоғары жылдамдықты аппликаторға орналастырылды, ол сүт пакеттеріне кодтарды енгізіп, агрегация нөмірін қорапқа одан әрі басып шығарды. Жапсырмадан кейін таңбалау жүйесіне Data Matrix қолдану және біріктіру туралы есептер жіберілді. Аяқтағаннан кейін жүйеде дистрибьюторға жіберу үшін таңбаланған өнімді қабылдау-беру актісі жасалды, ол таңбалау жүйесінде тауарды бөлшек сауда сатушысына берді. Осыдан кейін бөлшек сауда дүкеніндегі таңбаланған өнімдер 2D сканердің көмегімен айналымнан шығарылды.
Айта кетейік, барлық процесс пилоттық жоба шеңберінде тест ретінде болды, ол сүт өнімдерін өндірушілер тауарларды цифрлық таңбалау мен қадағалаудың барлық механизмдерін апробациялауға және өздері үшін оларды өндіру үшін оңтайлы шешімдерді анықтауға бағытталған.
Естеріңізге сала кетейік, қазір Қазақстанда сүт өнімдерін цифрлық таңбалау бойынша пилоттық жоба өтуде. Таңбалау сапасыз өнімдермен күресудің негізгі құралы болып табылады. Data Matrix коды мерзімі өткен тауарлардың кассалық шығарылымын блоктайды, дүкендер мен дистрибьюторлар сандық кодтағы жарамдылық мерзімі туралы ақпаратты өзгерте алмайды. Бұл ретте таңбаланған өнімді сатып алушы Naqty Onim мобильдік қосымшасының көмегімен өндірушіге және мемлекеттік органдарға бұзушылықтар туралы сигнал бере алады.
