8 шілдеден бастап Беларуссияға сүт өнімдерін экспорттаудың жаңа ережелері күшіне енді

Обозреватель в ismet
Статья
0 комментариев
145
0 комментариев

Бүгіннен бастап Беларусь Республикасында ірімшіктер мен балмұздақтарды міндетті цифрлық таңбалау енгізілді. Бұл Data Matrix коды жоқ сүт өнімдерінің осы елдің шекарасынан өте алмайтынын білдіреді. Жаңа қағидалар ЕАЭО елдерінің, оның ішінде Қазақстанның экспорттаушыларына да қатысты.

Сондай - ақ, Беларусь 1 жылдың 2021 қыркүйегінен бастап 40 күннен асатын сүт өнімдеріне, ал 1 жылдың 2021 желтоқсанынан бастап жарамдылық мерзімі 40 күннен аз сүт өнімдеріне міндетті таңбалауды енгізеді.

Өз кезегінде, ҚР-да сүт өнімдерін міндетті цифрлық таңбалауды енгізу 2022 жылға жоспарланып отыр. Қазіргі кезде пилоттық жоба іске асырылуда, оған қазақстандық өндірушілер қатысып жатыр.

«Күнделікті өмірде біз сүт өнімдерін әрдайым тұтынатынымыз сөзсіз, сондықтан оның сапалы өнім екендігіне көз жеткізуіміз қажет. Сүтке қатысты бәрі маңызды – өндіруші туралы ақпарат, сақтау мерзімі, өндірілген күні, өнімнің құрамы. Бұл деректердің барлығы Data Matrix кодында бар. Кодты колдан жасау мүмкін емес, демек деректерді де жалған жасауға жол жоқ. Сондықтан цифрлық таңбалау тұтынушылардың денсаулығы үшін де, экономика үшін де өте қажет. Айта кетейік, бұл нарықтағы көлеңкелі айналым 13% - ды құрайды, таңбалау бұл көрсеткішті төмендетуге көмектеседі», - деп атап өтті Цифрлық экономиканы дамыту орталығының басқарушы директоры Олжас Бектұров.

Айта кетейік, сүт өнімдерін цифрлық таңбалау отандық өндірушілерді қолдауға бағытталған, себебі қазақстандық өнім таңбаланған импорттық өніммен тең бәсекелестік жағдайда сатылатын болады.

Естеріңізге сала кетейік, 2021 жылдың маусымынан бастап Ресейде ірімшіктер мен балмұздақтарды міндетті түрде таңбалау енгізілген. 

Поделиться этой новостью:
Комментарии
Авторизуйтесь, Пікір қалдыру үшін