NaqtySauda.Akt мобильді қосымшасының ескірген нұсқасы 15 ақпанда жұмысын тоқтатады. Бұл шаралар пайдаланушылардың аз санына әсер етеді.
Тауарларды сандық таңбалау және қадағалау бойынша бірыңғай оператор пайдаланушыларға Google Play және AppStore дүкендерінде тегін қосымшаның жаңартылған нұсқасын жүктеп алуды ұсынады. Іздеу жолағына naqty.saudaakt енгізіп, «Қазақстандық Марка» ЖШС-нен NaqtySauda.Akt қосымшасын таңдаңыз.
NaqtySauda.Akt – бизнесіңізді дамыту үшін бірқатар шешімдерді ұсынатын мобильді қосымша.
Оның көмегімен сіз:
- тауарды таңбалау және қадағалау ақпараттық жүйесінде (ТТҚ АЖ) тіркелу;
- мобильді құрылғының камерасымен таңбалау кодтарын сканерлеу;
- таңбаланған тауарларды қабылдау-тапсыру актілерін жасауға, растауға немесе қабылдамауға;
- сәйкессіздіктер туралы хабарламаларды салыстыру және жасау;
- айналыстан шығару туралы хабарлама жасай аласыз;
Сондай-ақ, қолданба 2D сканеріне тегін және ыңғайлы балама болып табылады.
Мобильді қосымшада орнату және пайдалану бойынша тегін кеңес алу үшін пайдаланушылар 8 800 080 65 65 нөміріне (ұялы және қалалық нөмірлерден тегін) хабарласа алады.
