13 қазанда Тараз қаласында Тауарларды цифрлық таңбалау мен қадағалаудың бірыңғай операторы мен Жамбыл облысының Мемлекеттік кірістер департаменті бірлесіп, темекі өнімдерін көтерме-бөлшек сатуды жүзеге асыратын өңірдің салық төлеушілерінің қатысуымен цифрлық таңбалау жүйесінде оқыту семинарын өткізді.
Тур барысында Бірыңғай операторының өкілдері цифрлық таңбалау жүйесінде жұмыс істеуге және бизнеске арналған Naqty Sauda Akt мобильді қосымшасын пайдалануды үйретті.
Семинар барысында қатысушыларға тауарларды таңбалау мен қадағалаудың ақпараттық жүйесі дегеніміз не, онымен қалай жұмыс істеу керек, оның қандай артықшылықтары бар екендігі түсіндірілді. Жаңа қызметтердің көмегімен компьютерді пайдаланбай-ақ құжаттарды алуға және растауға болады.
ЕАЭО елдерінде, оның ішінде Қазақстанда да цифрлық таңбалау DataMatrix екі өлшемді кодының көмегімен жүзеге асырылады. Кәсіпкерлер тауарға кодты қолданады, ал тұтынушылар оны Naqty Onim қосымшасының көмегімен сканерлей алады.
Барлығы цифрлық таңбалау экожүйесінде үш мобильді қосымша бар:
Naqty Onim тұтынушыға таңбаланған өнім туралы барлық ақпаратты білуге мүмкіндік береді;
Naqty Sauda Kassa 2D сканерін сатып алу мүмкіндігі жоқ бөлшек сауда үшін жасалған;
Naqty Sauda Akt қабылдау-тапсыру актілерін растауға және қабылдамауға мүмкіндік береді.
Семинар барысында "Автоматты түрде жүйеден шығару" сервисі таныстырылды, оның көмегімен кәсіпкерлер "Темекі өнімдері" тауар тобында таңбалау кодтарының автоматты түрде шығарылуымен оңайлатылған функционал арқылы қабылдау–беру актілерін растайды.
Естеріңізге сала кетейік, 2022 жылдың 13 шілдесінде цифрлық таңбалау темекі өнімдерін сәйкестендіру үшін бұрын қолданылған акциздік марканың функциясын толығымен ауыстырды. Енді темекі өнімдерінің цифрлық таңбалау коды жоқ айналымы үшін жосықсыз кәсіпкерлерден тауар тәркіленіп, лицензиядан айырып, оларға айыппұл салынады.
Ағымдағы жылдың тамыз айында контрабандамен таңбаланбаған 4 млн-нан астам қорап темекі Қазақстанға әкелуге тырысты. Осы бұзушылықтар бойынша бюджетке төленуге жататын кедендік төлемдердің, салықтардың және акциздің алдын ала сомасы 1,2 млрд.теңгені құрады.
