Майлау материалдары мен арнайы автомобильдік сұйықтықтарды таңбалау — әрбір өнім бірлігіне бірегей цифрлық Data Matrix кодын қолдану процесі болып табылады. Бұл код тауардың қозғалысын тауар айналымының барлық кезеңдерінде өндірушіден немесе импорттаушыдан бастап, сақтау және дистрибуция арналары арқылы, соңғы өткізу нүктесіне дейін қадағалауға мүмкіндік береді. Сонымен қатар, таңбалау коды өнім туралы мәліметтерді, оның ішінде шығу тегі, атауы және айналымының заңдылығын сәйкестендіру мен бақылау үшін қажетті өзге де сипаттамаларды қамтиды.

Таңбалау жүйесіне тіркеліңіз
Таңбалау жүйесінде (ТТҚ АЖ) алдын ала тіркеуден өтіп, тауар карточкаларын ұлттық каталогқа енгізуді ұсынамыз. Бұл 2026 жылғы 1 ақпаннан бастап енгізілетін міндетті таңбалаудың басталуына алдын ала дайындалуға мүмкіндік береді.

Таңбалау тестілік жүйесіне тіркеліңіз
Өнімді жүйеде жұмыс басталғанға дейін таңбалаудың тестілік жүйесінде тіркеуден өту ұсынылады. Тестілік ортаны пайдалану жүйенің функционалымен алдын ала танысуға, негізгі бизнес-процестерді пысықтауға және ықтимал қателерді анықтауға мүмкіндік береді, бұл таңбалаудың өнімді жүйесінде кейінгі жұмыс барысында тәуекелдерді барынша азайтады.