Бірыңғай цифрлық таңбалау операторы қостанайлық темекі сауда өкілдерін Naqty Sauda Akt қосымшасымен жұмыс істеуге үйретті
Обозреватель в ismet
Статья
0 комментариев
0
0 комментариев

15 қыркүйекте Қостанай қаласындағы темекі сатушыларына арналған оқыту ақпараттық туры аясында цифрлық таңбалау жүйесі және бизнеске арналған «Naqty Sauda Akt» мобильді қосымшасын пайдалану бойынша тренинг өтті. Шараны Тауарларды цифрлық таңбалау және қадағалау жөніндегі бірыңғай оператор Мемлекеттік кірістер комитетімен бірлесіп ұйымдастырды.

Семинар-тренингке темекі сатушылардың 20-ға жуық өкілі қатысты. Іс-шара аясында цифрлық таңбалау жобасының кеңсесінің өкілдері Naqty Sauda Akt қосымшасымен жұмыс істеу бойынша тренинг өткізіп, кәсіпкерлер қосымшаның жұмысы және жалпы цифрлық таңбалау жүйесі туралы сұрақтарға жауап алды. Темекі өнімдерінің бөлшек саудасымен айналысатын қазақстандық кәсіпкерлер үшін тағы 16 қалада осындай танымдық шараларды өткізу жоспарлануда.

«Бүгін темекі өнімдерін бірыңғай таңбалау бойынша семинар өтіп жатыр. Операторы «Қазақтелеком» АҚ, қандай қосымшалар бар, темекі өнімдерін есептен шығару және айналымнан шығару, сондай-ақ, оның түпнұсқалығын тексеру үшін қандай сайттар бар екенін түсіндіреді. Есепке алынбаған акциздік өнімдерді өткізу фактілері бойынша Қостанай облысы Мемлекеттік кірістер департаментіне немесе Қостанай облысының аудандары мен қалалары Мемлекеттік кірістер департаментіне хабарласуға болады. Біз өтініштерді қарастырып, қажет шараларды қабылдаймыз», - деді Самат Бигужин, жанама салықтарды әкімшілендіру басқармасының басшысы.

ЕАЭО елдерінде, оның ішінде Қазақстанда цифрлық таңбалау Data Matrix екі өлшемді кодының көмегімен жүзеге асырылады. Кәсіпкерлер оны өнімге қолданады, ал тұтынушылар оны арнайы қосымшаның көмегімен сканерлей алады. Сандық таңбалау экожүйесінде әр түрлі мақсатты аудиторияға арналған үш мобильді қосымша бар: 

* Naqty Onim - тұтынушылар үшін 2D-сканердің орнына қызмет етеді және таңбаланған тауар туралы барлық ақпаратты білуге мүмкіндік береді;

* Naqty Sauda Kassa - кәсіпкер КБМ операциялары туралы деректерді ФДО серверіне жіберу және таңбаланған тауарларды есепке алу жүйесімен жұмыс істеу үшін құрылған;

* Naqty Sauda Akt - тауарларды таңбалау мен қадағалаудың ақпараттық жүйесінде (ТТҚ АЖ) таңбаланған тауарларды қабылдау-тапсыру актілерін жасауға және растауға арналған.  

Соңғысы жетілдіріліп жаңартылды, оған "Автоматты түрде жүйеден шығу" функциясы қосылды, сонымен қатар техникалық қолдау сұрауларын өңдеу уақыты қысқартылды.

2022 жылдың 13 шілдесінде цифрлық таңбалау темекі өнімдерін сәйкестендіру үшін бұрын қолданылған акциздік марканың функциясын толығымен алмастырды. Енді цифрлық таңбалау кодынсыз темекі өнімдерінің айналымы үшін жосықсыз кәсіпкерлерге тауарды тәркілеп және лицензиядан айырып айыппұл салынады. 

2022 жылдың басынан бері ҚР аумағына контрабандалық жолмен сату үшін әкелінген 22,5 млн қорап темекі өнімдері анықталып, тәркіленді.  2022 жылдың шілдесінен бастап Қазақстанда дәрілік препараттарды цифрлық таңбалау енгізілуде.

Темекі өнімдерін таңбалау ережелерімен мына жерде танысуға болады. Сұрақтар туындаған жағдайда, кәсіпкерлер тәулік бойы жұмыс істейтін байланыс орталығына 8 800 080 6565 нөмірі бойынша хабарласа алады

 

 

Поделиться этой новостью:
Комментарии
Авторизуйтесь, Пікір қалдыру үшін